काठमाडौं । बिहीबार आधा दर्जन कम्पनीको सेयर मूल्यमा उच्च गिरावट आएको छ । उक्त दिन आईसीएफसी फाइनान्स र महालक्ष्मी विकास बैंकको सेयर मूल्य ९.९९ प्रतिशतले घटेको हो ।
उक्त दिन आईसीएफसी फाइनान्सको सेयर मूल्य प्रतिकित्ता ९५.६० रुपैयाँले घटेको हो । योसंगै कम्पनीको सेयर मूल्य ८१६.१० रुपैयाँ कायम भएको छ ।
साताको अन्तिम कारोबार दिन महालक्ष्मी विकास बैंकको सेयर मूल्य प्रतिकित्ता ७९.३० रुपैयाँले घटेर ७१४.५० रुपैयाँ कायम भएको छ ।
यस्तै, उक्त दिन शिवश्री हाइड्रोपावरको सेयर मूल्य ७.३९ प्रतिशत, बरुण हाइड्रोपावरको ६.२७, यूनियन हाइड्रोपावरको ६.१४, सिनर्जी पावरको ६.०६ प्रतिशतले घटेको छ ।
उक्त दिन राधी विद्युत कम्पनी, नेपाल हाइड्रो, सानिमा माई हाइड्रो, मल्टीपर्पस फाइनान्स, श्री इन्भेष्टमेन्ट फाइनान्स, कालिका माइक्रोक्रेडिट डेभलपमेन्ट बैंक, गोर्खाज फाइनान्स लगायतका लगानीकर्ताहरुले उच्च दरमा गुमाएका छन् ।
वि.सं.२०७८ कात्तिक २५ बिहीवार १५:४८ मा प्रकाशित
