काठमाडौं । प्रभु बैंकको सेयर कारोबार फुकुवा भएको छ । एक सूचना निकाल्दै नेपाल स्टक एक्सचेञ्ज (नेप्से)ले बैंकको सेयर कारोबार फुकुवा गरेको जनाएको छ ।
बैंकले मंगलबार सेयर कारोबार चलिरहेकोे समय दिउँसो १ बजेदेखि ३ बजेसम्म सञ्चालक समिति बैठक बसेर बसी लाभांश वितरणको प्रस्ताव गरेको भन्दै नेप्सेले बिहीबार बैंकको सेयर कारोबार रोक्का गरेको थियो ।
कारोबार समयमा बैंकको सञ्चालक समितिको बैठक बसेर लाभांश घोषणा गरेको हुनाले यस विषयमा के भएको हो र बैंकको भनाई के छ भन्ने नेप्सेको प्रश्नमा बैंकले आगामी दिनमा कारोबार समयमा संचालक समितिको बैठक बसि लाभांश सम्वन्धी निर्णय नगरिने प्रतिवद्धता व्यक्ति गरेकाले कारोकार फुकुवा भएको हो ।
नेप्सेले बैंकलाई धितोपत्र सूचीकरण विनियमावली २०७५ को विनियम १६ (१) (ख) मा भएको व्यवस्था अनुसार सात दिने स्पष्टिकरण सोधेको थियो ।
वि.सं.२०७८ कात्तिक २६ शुक्रवार १३:२९ मा प्रकाशित