काठमाडौं । तिहारपछि सेयर बजारमा साढे ७ करोड कित्ता बढी सेयर थपिएको छ । तिहारपछि अर्थात यस साता दुई कम्पनीको सेयर नेपाल स्टक एक्सेञ्ज(नेप्से)मा सूचीकृत भएको हो ।
नेप्सेमा हाइड्रोईलेक्ट्रसिटी इन्भेष्टमेन्ट एण्ड डेभलपमेण्ट कम्पनी (एचआईडिसिएल) को हकप्रद सेयर र इन्फिनिटी लघुसिवत्तको ७ करोड ७६ लाख ३९ हजार कित्ता बढी सेयर सूचीकृत भएको छ ।
जसमध्ये बिहीबार एचआईडिसिएलको ७ करोड ७० लाख कित्ता सेयर नेप्से सूचीकृत भएको छ । कम्पनीले शतप्रतिशत हकप्रद सेयर विक्रीका क्रममा वितरण भइसकेको उक्त सेयर नेप्सेमा सूचीकृत गराएको हो ।
उक्त सेयर आइतवारदेखि कारोबारयोग्य हुनेछ । सम्बन्धीत सेयरधनीहरुले आफ्नो डिम्याट खातामा जम्मा भएपछि मात्र कारोबार गर्न सक्नेछन् ।
यस्तै, नेप्सेमो इन्फिनिटी लघुवित्तको ६ लाख ३९ हजार ५३५.२२ कित्ता सेयर सूचीकृत भएको छ । कम्पनीले नेपाल एग्रो लघुवित्तलाई प्राप्तिपछि थप हुन आएको उक्त सेयर सूचीकृत गराएको हो ।
इन्फिनिटी लघुवित्तले नेपाल एग्रो लघुवित्त वित्तीय संस्थालाई १ः०.९८ को अनुपातमा प्राप्ति गरेको थियो ।
अव नेपाल एग्रोको शेयरधनीको खातामा इन्फिनिटी लघुवित्त वित्तीय संस्थाको नामबाट सेयर देखिनेछ ।
वि.सं.२०७८ कात्तिक २६ शुक्रवार १४:१५ मा प्रकाशित
