काठमाडौं । नेपाल इन्फ्रास्ट्रक्चर बैंक(निफ्रा)ले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार बैंकले चालु आवको असोज मसान्तसम्म २४ करोड २० लाख २७ हजार रुपैयाँ नाफामा कमाएको छ ।
जुन गत वर्षको सोही अवधिको तुलनामा ३४.३७ प्रतिशतले बढी हो । गत वर्षको उक्त अवधिमा बैंकले १८ करोड १ लाख २२ हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी पनि ४५.८२ प्रतिशतले वृद्धि भएको छ । गत वर्षको पहिलो त्रैमासमा २८ करोड ३५ लाख ८५ हजार रुपैयाँ खुद ब्याज आम्दानी गरेको बैंकले यस वर्षको सोही अवधिमा ४१ करोड ३५ लाख २२ हजार रुपैयाँ आम्दानी गरेको छ ।
बैंकले कुल संचालन मुनाफा पनि गत वर्षको असोज मसान्तको तुलनमा ४६.२८ प्रतिशतले बढाएर ४१ करोड ४८ लाख २३ हजार रुपैयाँ पुर्याएको छ ।
बैंकको चुक्ता पुँजी २० अर्ब रुपैयाँ रहेको छ । जगेडा तथा कोषमा भने बैंकले २ अर्ब ६४ करोड ३७ लाख ८५ हजार रुपैयाँ राखेको छ ।
उक्त अवधिमा बैंकले २९ करोड ८१ लाख ६३ हजार रुपैयाँ निक्षेप संकलन गरेको छ भने ४ अर्ब ९२ करोड ५० लाख ७९ हजार रुपैयाँ कर्जा प्रवाह गरेिको छ ।
बैंकको प्रतिसेयर आम्दानी ४ रुपैयाँ ८४ पैसा र प्रतिसेयर नेटवर्थ ११३ रुपैयाँ २२ पैसा रहेको छ ।
वि.सं.२०७८ कात्तिक २८ आइतवार ०९:१२ मा प्रकाशित