काठमाडौं । साताको पहिलो कारोबार दिन चार कम्पनीको सेयर मूल्यमा उछाल आएको छ । उक्त दिन बोतलर्स नेपाल (तराई)सहित चार कम्पनीको सेयर मूल्य उच्च दरमा वृद्धि भएको हो ।
आज बोतलर्स नेपालको सेयर मूल्यमा सकरात्मक सर्किट लागेको हो । आज कम्पनीको सेयर मूल्य प्रतिकित्ता १ हजार ७५ रुपैयाँले वृद्धि भई ११ हजार ८१५ रुपैयाँ कायम भएको छ ।
यस्तै, उक्त दिन मानुषी लघुवित्त वित्तीय संस्थाको सेयर मूल्य ९.९९ प्रतिशत अर्थात प्रतिकित्ता ९२ रुपैयाँ ८० पैसाले वृद्धि भएको हो । यो संगै कम्पनीको सेयर मूल्य आज १ हजार २१ रुपैयाँ ५० पैसा पुगेको छ ।
उक्त दिन तेह्रथुम पावरको सेयर मूल्य ९.९९ प्रतिशत अर्थात प्रतिकित्ता ३९ रुपैयाँ ९० पैसाले बढेको हो । योसंगै कम्पनीको सेयर मूल्य ४३९ रुपैयाँ ४० पैसा कायम भएको छ ।
त्यसैगरि, आज महालक्ष्मी विकास बैंकको सेयर मूल्य ९.८७ प्रतिशत अर्थात प्रतिकित्ता ३५ रुपैयाँले वृद्धि भएको छ । योसंगै कम्पनीको सेयर मूल्य ७८५ रुपैयाँ कायम भएको छ ।
वि.सं.२०७८ कात्तिक २८ आइतवार १५:३९ मा प्रकाशित