काठमाडौं । सोमबार सेयर बजारमा दुई कम्पनीको ३७ लाख १७ हजार कित्ता सेयर थपिएको छ ।
नेपाल स्टक एक्सचेञ्ज(नेप्से)मा अपि पावर र एनएलजी इन्स्योरेन्स कम्पनीको सेयर सूचीकृत भएको हो ।
जसमध्ये अपि पावरको २६ लाख २१ हजार ५९४ कित्ता बोनस सेयर सूचीृकत भएको छ । कम्पनीले १०.५० प्रतिशत बोनस बापतको उक्त सेयर नेप्सेमा सूचीकृत गराएको हो ।
यस्तै, एनएलजी इन्स्योेरेन्सको १० लाख ९६ हजार ३७५.५० कित्ता बोनस सेयर सूचीकृत भएको हो । कम्पनीले १० प्रतिशत बोनस सेयर बापतको उक्त सेयर नेप्सेमा सूचीकृत गराएको हो ।
यी दुवै कम्पनीको सेयर सम्वन्धित सेयरधनीहरुको हितग्राही खातामा आएपछि कारोबार गर्न सकिने छ ।
वि.सं.२०७८ कात्तिक २९ सोमवार १६:१५ मा प्रकाशित
