काठमाडौं । सवारी चालक अनुमतिपत्र(लाइसेन्स) को आवेदन अब कार्यालय समयमा लिन बन्द हुने भएको छ ।
लाइसेन्सको फाराम भर्न अनलाइन प्रणालीमा अधिक चाप परेको भन्दै यातायात व्यवस्था विभागले एक हप्ताका लागि बिहान १० बजेदेखि साँझ ५ बजेसम्म बन्द गर्ने भएको हो ।
प्रणालीको लोड (चाप) व्यवस्थापन कार्य सम्पन्न भएपछि मात्र अनलाइन आवेदन प्रणाली सञ्चालन हुने सोमबार विभागद्वारा जारी सूचनामा उल्लेख छ ।
अनलाइन आवेदन प्रणालीमा अधिक चाप भई कार्यालयहरुबाट हुने दैनिक सवारी चालक अनुमतिपत्र सम्वन्धी कार्यमा समेत असर परेको विभागले जनाएको छ ।
वि.सं.२०७८ कात्तिक २९ सोमवार १८:०३ मा प्रकाशित