काठमाडौं । सुपर मादी हाइड्रोपावर कम्पनीले आईपीओ निष्काशन गर्ने भएको छ । कम्पनीले ३१ लाख ५० हजार कित्ता आईपीओ निष्कासनको प्रक्रिया अगाडि बढाएको हो ।
आईपीओ निष्कासन तथा बिक्रीका लागि कम्पनीले प्रभु क्यापिटल लिमिटेडलाई बिक्री प्रबन्धकमा नियुक्त गरेको छ।
उक्त नियुक्तिसम्बन्धी सम्झौता आइतबार भएको हो । सम्झौतामा सुपर मादी हाइड्रोपावरका कार्यकारी अध्यक्ष पुष्पज्योति ढुंगाना तथा प्रभु क्यापिटलका प्रबन्ध निर्देशक दिनेश थकालीेले हस्ताक्षर गर्नुभएको छ ।
कम्पनीले कास्की जिल्लाको मादी नदीमा ४४ मेगावाट क्षमताकोे हाइड्रोपावर आयोजना निर्माण गरिरहेको छ ।
हालसम्म कम्पनीको ८० प्रतिशत भौतिक कार्य सम्पन्न गरेको र कम्पनीले सेयर निष्कासनको अनुमतिका लागि विद्युत नियमन आयोगमा निवेदन पेस गरिसकेको छ ।
वि.सं.२०७८ कात्तिक २९ सोमवार १८:१० मा प्रकाशित