काठमाडौं । साताको तेस्रो कारोबार दिन एक दर्जन कम्पनीको सेयर मूल्यमा उछाल आएको छ । उक्त दिन १३ कम्पनीको सेयर मूल्य उच्च दरमा वृद्धि भएको हो ।
उक्त दिन नेपाल बंगलादेश बैंकसहित ६ कम्पनीको सेयर मूल्य १० प्रतिशतले वृद्धि भएको हो । मंगलबार बंगलादेश बैंकको सेयर मूल्य प्रतिकित्ता ३२ रुपैयाँ ६० पैसाले वृद्धि भएको छ । योसंगै कम्पनीको सेयर मूल्य आज ३५८ रुपैयाँ ६० पैसा कायम भएको छ ।
उक्त दिन नेपाल टेलिकमको सेयर मूल्य १० प्रतिशत अर्थात प्रतिकित्ता ११६ रुपैयाँ १० पैसाले वृद्धि भई १ हजार २७७ रुपैयाँ १० पैसा, महालक्ष्मी विकास बैंकको प्रतिकित्ता ७५ रुपैयाँले बढेर ८२५ रुपैयाँ पुगेको छ ।
यस्तै, आज पञ्चकन्या माई हाइड्रोपावरको सेयर मूल्य प्रतिकित्ता ३२ रुपैयाँ १० पैसाले वृद्धि भई ३५३.५० रुपैयाँ, अपर तामाकोशीको प्रतिकित्ता ५८ रुपैयाँ ३० पैसाले वृद्धि भई ६४१.३० रुपैयाँ र मैलुङ खोला जलविद्युत कम्पनीको प्रतिकित्ता ४७.९० रुपैयाँले बढेर ५२६.९० रुपैयाँ कायम भएको छ ।
उक्त दिन मानुषी लघुवित्त वित्तीय संस्थाको ९.९९ प्रतिशत, तेह्रथुम पावरको ९.९९ प्रतिशत, प्रभु इन्स्योरेन्सको ९.५३, श्री इन्भेष्टमेन्ट फाइनान्सको ९.४३, लिवर्टी इनर्जीको ९.२१, हिमाल दोलखा हाइड्रोपावरको ९.०८ र नेशनल हाइड्रोपावरको ९.०७ प्रतिशतले सेयर मूल्य वृद्धि भएको छ ।
आज यी कम्पनीहरुसहित गुराँस लाइफ इन्स्योरेन्स, सानिमा जनरल, घलेम्दी हाइड्रो, बोतलर्स नेपाल(तराई), सानिमा माई हाइड्रोपावर लगायतका लगानीकर्ताहरुले उच्च दरमा कमाएका छन् ।
वि.सं.२०७८ कात्तिक ३० मंगलवार १५:३९ मा प्रकाशित