back
Mega Long Ad

विद्यावारिधि र एमफिल गर्नेलाई गाउँपालिकाको छात्रवृत्ति

खोटाङ । खोटेहाङ गाउँपालिकाले उच्च शिक्षा अध्ययन गर्ने पालिकाभित्रका शोधकर्ता विद्यार्थीलाई छात्रवृत्ति प्रदान गर्ने तयारी गरेको छ । आर्थिक वर्ष २०७८/०७९ को स्वीकृत वार्षिक बजेटअनुसार गाउँपालिकाले विद्यावारिधि शोधकर्ता, एमफिल अध्ययनकर्ता र स्नातकोत्तर तहका विद्यार्थीलाई छात्रवृत्ति प्रदान गर्ने तयारी गरेको हो ।

उच्च शिक्षा छात्रवृत्ति, सम्मान र पुरस्कार शीर्षकमा विनियोजित कार्यक्रमबारे गाउँपालिका र गाउँ कार्यपालिकाको १२ कात्तिकको निर्णयअनुसार प्रमुख प्रशासकीय अधिकृत हरिप्रसाद भट्टराईले बुधबार सूचना जारी गर्दै इच्छुक उम्मेद्वारालाई उच्च शिक्षा छात्रवृत्तिका लागि आवेदन दिन आह्वान गरेका छन् ।

खोटेहाङ गाउँपालिका स्थायी ठेगाना भई स्वदेशमै बसेर विद्यावारिधि गरिरहेका शोधकर्तालाई जनही एक लाख ११ हजार १११, खोटेहाङ गाउँपालिका स्थायी ठेगाना भई स्वदेशमै एमफिल गरिरहेका अध्ययनकर्तालाई जनही ५५ हजार ५५५ र खोटेहाङ गाउँपालिका स्थायी ठेगाना भई स्वदेशमै स्नातकोत्तर अध्ययन गर्ने सवै दलित तथा महिलालाई ३३ हजार ३३३ रुपैयाँ छात्रवृत्ति प्रदान गर्ने तयारी गरिएको गाउँपालिकाले जनाएको छ ।

उच्च शिक्षा हासिल गर्न चाहने पालिकाबासी विद्यार्थीको सहयोग र प्रोत्साहनका लागि छात्रवृत्तिका कार्यक्रम कार्यान्वयनमा ल्याएको गाउँपालिका अध्यक्ष प्रदीप राईले बताए ।

खोटेहाङ गाउँपालिकाले आव २०७७/०७८ देखि उच्च शिक्षा छात्रवृत्ति कार्यक्रम लागू गरेको हो । स्नातकोत्तर अध्ययन गर्ने सबै दलित तथा महिला विद्यार्थीका लागि भने चालू आवदेखि छात्रवृत्ति उपलव्ध गराउने कार्यक्रम ल्याइएको गाउँपालिका अध्यक्ष राईले बताए । छात्रवृत्तिका लागि पिएचडी र एमफिल गर्ने विद्यार्थी गाउँपालिकाभित्रको स्थायी नागरिक हुनुपर्ने, स्वदेशकै विश्वविद्यालयमा अध्ययनरत हुनुपर्ने लगायतका मापदण्ड छ ।

आर्थिक वर्ष २०७७/०७८ मा खोटेहाङ गाउँपालिका-६ इन्द्रेणीपोखरीका विधावारिधि शोधकर्ता विष्णुबहादुर कार्कीलाई छात्रवृत्तिस्वरूप एक लाख ११ हजार १११ रुपैयाँ प्रदान गरिएको गाउँपालिकाले जनाएको छ ।

वि.सं.२०७८ मंसिर १ बुधवार १६:३६ मा प्रकाशित

You can share this post!

“बैंक अफ दि इयर” पनि एनएमबि नै, यो पुरस्कार जित्नुको आधार के हो ?

“बैंक अफ दि इयर” पनि एनएमबि नै, यो पुरस्कार जित्नुको आधार के हो ?

वि.सं.२०७८ मंसिर १५ बुधवार २२:०३

काठमाडौं । नेपाल राष्ट्र बैंकबाट “क” वर्गको इजाजत प्राप्त नेपालकै...

बैंकक्रप्ट हुने सम्भावना छः पवनकुमार गोल्यान

बैंकक्रप्ट हुने सम्भावना छः पवनकुमार गोल्यान

वि.सं.२०७८ मंसिर १५ बुधवार १७:४५

बैैंक तथा वित्तिय संस्था परिसंघका अध्यक्ष पवनकुमार गोल्यानले ‘बैंकक्रप्ट’ हुन...

एनएमबी बन्यो एसियाकै सर्वोत्कृष्ट बैंक

एनएमबी बन्यो एसियाकै सर्वोत्कृष्ट बैंक

वि.सं.२०७८ मंसिर १५ बुधवार १६:५०

एनएमबी बैंक एसियाकै सर्वोत्कृष्ट बैंक बनेको छ । बुधबार बैंकले...

बैध रूपमा अबैध काम भइरहेको छः अर्थमन्त्री शर्मा

बैध रूपमा अबैध काम भइरहेको छः अर्थमन्त्री शर्मा

वि.सं.२०७८ मंसिर १५ बुधवार १५:५८

काठमाडौ । अर्थमन्त्री जनार्दन शर्माले बैध रूपमा अबैध काम भइरहेको...

आगामी १० बर्षमा मध्यमस्तरको राष्ट्रमा परिणत हुन केन्द्रित हुनुपर्छ : प्रधानमन्त्री देउवा

आगामी १० बर्षमा मध्यमस्तरको राष्ट्रमा परिणत हुन केन्द्रित हुनुपर्छ : प्रधानमन्त्री देउवा

वि.सं.२०७८ मंसिर १५ बुधवार १५:२२

काठमाडौ । प्रधानमन्त्री शेरबहादुर देउवाले अर्थतन्त्रको गुणात्मक वृद्धिका सरोकारवाला सवै...

सेयर बजारमा सुधार: कारोबार रकम भने खुम्चियो, दुई कम्पनीमा झुम्मिए लगानीकर्ता

सेयर बजारमा सुधार: कारोबार रकम भने खुम्चियो, दुई कम्पनीमा झुम्मिए लगानीकर्ता

वि.सं.२०७८ मंसिर १५ बुधवार १५:१४

काठमाडौं । बुधवार सेयर बजारमा सुधार आएको छ । साताको...