काठमाडौं । साल्ट ट्रेडिङ्ग कर्पोरेशनेल चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनी चालु आवको असोज मसान्तमा ३८ लाख ८५ हजार रुपैयाँ नाफा कमाएको छ ।
जुन गत वर्षको सोही अवधिको तुलनामा ६४.९४ प्रतिशतले कमी हो । गत वर्षको पहिलो त्रैमासमा कम्पनीले १ करोड ३९ लाख ३५ हजार रुपैयाँ नाफा कमाएको थियो ।
उक्त अवधिमा कम्पनीको बिक्री आम्दानीमा पनि गिरावट देखिएको छ । कम्पनीको बिक्री आम्दानी ३०.६१ प्रतिशतले घटेको हो ।
गत वर्ष २ अर्ब ३० करोड १७ लाख ४४ हजार रुपैयाँ आम्दानी गरेको कम्पनीले यस वर्षको असोज मसान्तमा भने घटेर १ अर्ब ५९ करोड ७२ लाख ६७ हजार रुपैयाँ रहेको छ ।
कम्पनीको चुक्ता पुँजी २३ करोड ४ लाख २९ हजार रुपैयाँ रहेको छ । कम्पनीले जगेडा तथा कोषमा भने १ अर्ब ३१ करोड ७६ हजार रुपैयाँ राखेको छ ।
कम्पनीको प्रतिसेयर आम्दानी ८ रुपैयाँ ४८ पैसा र प्रतिसेयर नेटवर्थ ४४९ रुपैयाँ ६४ पैसा रहेको छ ।
वि.सं.२०७८ मंसिर ५ आइतवार १०:२४ मा प्रकाशित