काठमाडौं । साताको पहिलो कारोबार दिन सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला ७ सय रुपैयाँले घटेको हो ।
अघिल्लो दिन अर्थात शुक्रबार ९४ह जार ४ सय रुपैयाँमा कारोबार भएको सुन आज घटेर ९३ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य भने ९३ हजार २ सय रुपैयाँ निर्धारण भएको छ । अघिल्लो दिन ९३ हजार ९ सय रुपैयाँमा खरिदबिक्री भएको थियो ।
यस्तै, उक्त दिन चाँदीको मूल्य पनि घटेको छ । आज प्रतितोला १५ रुपैयाँले घटेर १ हजार २६० रुपैयाँ कायम भएको महासंघले जनाएको छ । शुक्रबार भने १ हजार २७५ रुपैयाँमा कारोबार भएको थियो ।
वि.सं.२०७८ मंसिर ५ आइतवार ११:१७ मा प्रकाशित