काठमाडौं । नेष्डो समृद्ध लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीको चालु आवको असोज मसान्तमा ५ करोड ७ लाख २८ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिको तुलनामा ३४.१२ प्रतिशतले कमी हो । गत वर्षको पहिलो त्रैमासमा कम्पनीले ७ करोड ७० लाख १२ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानीमा पनि गिरावट आएको छ । गत वर्षको असोज मसान्तमा १२ करोड ८५ लाख ७१ हजार रुपैयाँ आम्दानी गरेको कम्पनीको यस वर्षको सोही अवधिमा भने २९.७७ प्रतिशतले घटेको हो । यस वर्षको पहिलो त्रैमासमा कम्पनीले ९ करोड २ लाख ८९ हजार रुपैयाँ खुद ब्याज आम्दानी गरेको छ ।
कम्पनीको चुक्ता पुँजी १७ करोड २१ लाख २५ हजार रुपैयाँ रहेको छ । कम्पनी कोष तथा जगेडामा ४८ करोड ११ लाख १६ हजार रुपैयाँ राखेको छ ।
उक्त अवधिमा कम्पनीका खराब कर्जा पनि ह्वात्तै बढेको देखिएको छ । गत वर्षको असोज मसान्तमा २.७३ प्रतिशत रहेको खराब कर्जा यस वर्षको सोही अवधिमा भने ७.३२ प्रतिशत पुगेको छ ।
वि.सं.२०७८ मंसिर ५ आइतवार १२:०५ मा प्रकाशित