काठमाडौं । साताको तेस्रो कारोबार दिन सुनको मूल्यमा गिरावट आएको छ । मंगलबार छापावाला सुनको मूल्य एकैदिन तोलामा १ हजार ६ सय रुपैयाँले घटेको हो ।
अघिल्लो कारोबार दिन ९३ हजार ९ सय रुपैयाँमा किनबेच भएको सुन आज घटेर ९२ हजार ३ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य भने ९१ हजार ८ सय रुपैयाँ कायम भएको छ । अघिल्लो दिन तेजावी सुन ९३ हजार ४ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि घटेको छ । आज प्रतितोला १५ रुपैयाँले घटेर १ हजार २५५ रुपैयाँ कायम भएको छ । अघिल्लो दिन १ हजार २७० रुपैयाँमा खरिदबिक्री भएको थियो ।
वि.सं.२०७८ मंसिर ७ मंगलवार १०:५८ मा प्रकाशित