काठमाडौं । साताको तेस्रो कारोबार दिन तीन कम्पनीको सेयर मूल्यमा उच्च गिरावट आएको छ ।
उक्त दिन आइसीएफसी फाइनान्स, एनआईबीएल प्रगति फण्ड र नारायणी डेभलपमेन्ट बैंकको सेयर मूल्यमा गिरावट आएको हो ।
आज आइसीएफसी फाइनान्सको सेयर मूल्य ५.८४ प्रतिशत अर्थात ५० रुपैयाँ ८० पैसाले घटेको छ । योसंगै कम्पनीको सेयर मूल्य ८१९ रुपैयाँ २० पैसा कायम भएको छ ।
यस्तै, एनआईबिएल प्रगति फण्डको सेयर मूल्य पनि ५.२५ प्रतिशतले घटेको छ । आज फण्डको सेयर मूल्य १० रुपैयाँ ४७ पैसा कायम भएको छ ।
उक्त नारायणी डेभलपमेन्ट बैंकको सेयर मूल्य ५.१६ प्रतिशत अर्थात प्रतिकित्ता ४९ रुपैयाँले घटेर ९ सय रुपैयाँ कायम भएको छ ।
यी कम्पनीहरुसहित आज गुडविल फाइनान्स, सिंगटी हाइड्रो इनर्जी, मल्टीप्रर्पस फाइनान्स, पोखरा फाइनान्स, खानीखोला हाइड्रोपावर, गुहेश्वरी मर्चेण्ट बैंक एण्ड फाइनान्स लगायतका लगानीकर्ताहरुले उच्च दरमा गुमाएका छन् ।
वि.सं.२०७८ मंसिर ७ मंगलवार १५:४९ मा प्रकाशित
