काठमाडौं । बाणिज्य बैंकहरुको निक्षेप एक सातामा नै ६ अर्ब रुपैयाँले घटेको छ । गत शुक्रबारसम्मको तथ्यांक अनुसार बैंकहरुले १४ अर्व रुपैयाँ बराबरकोले कर्जा प्रबाह बढाएका छन् । तर निक्षेप भने ६ अर्ब रुपैयाँले घटेको छ । त्यस्तै मंसिर महिनाको मात्र तथ्यांक हेर्ने हो भने बैंकहरुको निक्षेप १४ अर्बले घटेको छ भने ऋण २१ अर्ब रुपैयाँले बढेको देखिएको छ ।
चालु आर्थिक बर्षको गत शुक्रबारसम्मको तथ्यांक अनुसार बाणिज्य बैंकहरुको निक्षेप जम्मा १८ अर्बले बढेको छ। ऋण भने ३ खर्ब ३४ अर्ब रुपैयाँले बढेको छ। यसअवधिमा बाणिज्य बैंकहरुको निक्षेप ४२ खर्ब १९ अर्ब रुपैयाँ पुगेको छ भने ४० खर्ब ५५ अर्ब रुपैयाँ कर्जा प्रबाह भएको छ । त्यस्तै बाणिज्य बैंकहरुको सिडि रेसियो ९१ प्रतिशत नाघेको छ।
वि.सं.२०७८ मंसिर १३ सोमवार १७:५१ मा प्रकाशित
