काठमाडौं । दुई बैंकसहित तीन कम्पनीको लाभांश सुरक्षित गर्ने आज अन्तिम दिन रहेको छ ।
आज एभरेष्ट बैंक, शाइन रेसुङ्गा बैंक र सबैको लघुवित्त वित्तीय संस्थाको लाभांश सुरक्षित गर्ने अन्तिम दिन हो ।
यी तीन वटा कम्पनीहरुले साधारणसभा तथा लाभां वितरण प्रयोजनका लािग भोलि अर्थात शुक्रबार बुक क्लोज गर्दैछन् । त्यसकारण आजसम्म कायम सेयरधनीहरुले उक्त सभामा भाग लिन र लाभांश पाउन सक्नेछन् ।
एभरेष्ट बैंकले गत आर्थिक वर्ष २०७७/७८ को मुनाफाबाट सेयरधनीहरुलाई ६ प्रतिशत बोनस र कर समेत गरि ४.३२ प्रतिशत नगद लाभांश वितरणको प्रस्ताव गरेको छ । उक्त लाभांश पारितका लागि बैंक आगामी पुस १ गते साधारणसभा डाकेको छ ।
यस्तै, शाइन रेसुङ्गा डेभलपमेन्ट बैंकले पनि गत आवको मुनाफाबाट सेयरधनीहरुलाई १०.९३ प्रतिशत बोनस र कर प्रयोजनका लागि ०.५७ प्रतिशत नगद लाभांश वितरणको प्रस्ताव गरेको छ । उक्त प्रस्ताव पारित गर्न बैंकले मंसिर २९ गते साधारणसभा बोलाएको छ ।
त्यसैगरि सबैको लघुवित्त वित्तीय संस्थाले पनि गत आवको मुनाफाबाट सेयरधनीहरुलाई ३१.५ प्रतिशत बोनस सेयर र कर प्रयोजनका लागि १.६३ प्रतिशत नगद लाभांश दिने भएको छ ।
उक्त लाभांश पारितका लागि कम्पनीले पुस ३ गते साधारणसभा बोलाएको छ ।
वि.सं.२०७८ मंसिर १६ बिहीवार १०:३९ मा प्रकाशित