काठमाडौ । अर्थसचिव मधुकुमार मरासिनीले खर्चको प्रभावकारिता बढाउन आवश्यक रहेको बताएका छन् । सोमबार विश्व बैंकले तयार पारेको ‘नेपालमा सार्वजनिक खर्च पुनरावलोकन ,दीगो विकासका लागि वित्तीय नीति’ प्रतिवेदन सार्वजनिक गर्दै उनले मुलुकले संघीय प्रणाली अवलम्बन गरी अन्तरसरकारी वित्तीय हस्तान्तरणमार्फत् तल्लो तहका सरकारले बजेट निर्माण र खर्च गर्न पाउने व्यवस्था गरेपनि खर्चको प्रभावकारीता बढाउन नसकेको बताएका छन् ।
त्यस्तै उनले खर्चको प्रभावकारिताविना सार्वजनिक सेवाको गुणस्तर सुधार गर्न नसकिने पनि दावी गरे । उनले आगामी दिनमा वित्तीय नीतिमा सुधार गर्न सरकार सदैव तत्पर रहेको दावी गर्दै हरित उत्थानशील र समावेशी विकासका लागि काम गर्ने बताए ।
त्यसैगरी उनले स्थानीय तहमा सार्वजनिक सेवाको गुणस्तर सुधार गर्न र खर्चको प्रभावकारिता बृद्धि गर्नका लागि लेखा र प्रतिवेदन प्रणालीमा सुधार गर्ने बताए । उनले भने , विश्व बैंकले सार्वजनिक गरेको प्रतिवेदन खर्चको गुणस्तर, कार्यसम्पादन र दीर्घकालसम्म वित्तिय स्पेस सिर्जनाको लागि राम्रो सन्दर्भ सामग्री हुने पनि बताए ।
उनले सरकारले खर्चको प्रभावकारितामाफृत आर्थिक बृद्धिलाई बढावा दिदै राजस्व संकलनमा समेत विकेन्दस्करण गर्ने प्रतिवद्धता जाहेर गरे ।
वि.सं.२०७८ मंसिर २० सोमवार १७:०५ मा प्रकाशित