काठमाडौं । मंसिरको दोस्रो साता बाणिज्य बैंकहरुको कर्जा निक्षेपको तुलनामा दोव्वरले बृद्धि भएको छ ।
नेपाल बैंकर्स संघका अनुसार गत साता बाणिज्य बैंकहरुले ७ अर्ब रुपैयाँ निक्षेप संकलन गरेका छन् भने १४ अर्ब रुपैयाँ कर्जा प्रबाह गरेका छन् ।
त्यस्तै बाणिज्य बैंकहरुको सिडि रेसियो (कर्जा निक्षेप अनुपात) ९१.२४ प्रतिशत पुगेको छ ।
नेपला राष्ट्र बैंकले चालु आर्थिक बर्षको पहिलो त्रैमासको मौद्रिक समिक्षा मार्फत सिडि रेसियो २०७९ असार मसान्तभित्रमा ९० प्रतिशतमा राख्नुपर्ने व्यवस्था गरेकोले अहिले बाणिज्य बैंकहरुले सिडि रेसियो कायम नगरेकोमा जरिवाना तिर्नुपर्दैन ।
यसअघि सिडि रेसियो ९० प्रतिशत नाघ्दा राष्ट्र बैंकले जरिवाना लगाउने व्यवस्था थियो । जसका कारण अधिकांश बैंकहरुले सिडि रेसियो मापदन्ड अनुसार नभएको भन्दै जरिवाना तिरेका थिए ।
वि.सं.२०७८ मंसिर २० सोमवार १८:४७ मा प्रकाशित