काठमाडौं । भोलि अर्थात मंसिर २२ गते बुधवार दुई कम्पनीको लाभांश सुरक्षित गर्ने अन्तिम दिन रहेको छ ।
उक्त दिन आइसीएफसी फाइनान्स र स्वाभिमान लघुवित्त वित्तीय संस्थाको लाभांश सुरक्षित गर्ने अन्तिम मौका रहेको छ ।
दुवै कम्पनीहरुले लाभांश पारितका लागि वार्षिक साधारणसभाको मिति तय गरी उक्त सभा प्रयोजनका लागि मंसिर २३ गते बुक क्लोज गर्ने भएका छन् ।
त्यसकारण भोलि अर्थात बुधबार मंसिर २२ गतेसम्म सेयर कायम सेयरधनीहरुले सभामा भाग लिन र लाभांश प्राप्त गर्न सक्नेछन् ।
आईसीएफसी फाइनान्सले वर्ष गत वर्ष २०७७/७८ को मुनाफाबाट सेयरधनीहरुलाई १० प्रतिशत बोनस सेयर र कर प्रयोजनका लागि समेत ४ प्रतिशत नगद लाभांश वितरणको प्रस्ताव गरेको हो ।
उक्त प्रस्ताव पारितका लागि आइसिएफसि फाइनान्सले पुस ५ गते वार्षिक साधारण सभा बोलाएको छ ।
त्यस्तै, स्वाभिमान लघुवित्तले गत आवको मुनाफाबाट सेयरधनीहरुलाई ३२.३० प्रतिशत बोनस सेयर र कर प्रयोजनका लागि १.७० प्रतिशत नगद लाभांश लाभांश प्रस्ताव गरेको छ ।
उक्त प्रस्ताव पारितका लागि स्वाभिमान लघुवित्तले पुस ८ गते वार्षिक साधारण सभा बोलाएको छ ।
वि.सं.२०७८ मंसिर २१ मंगलवार १७:११ मा प्रकाशित
