काठमाडौं । आइएमई लाइफ इन्स्योरेन्स कम्पनीले आईपीओ निष्काशन गर्ने भएको छ । कम्पनीले ६० करोड रुपैयाँ बराबरको आइपीओ निष्काशन गर्ने भएको हो ।
कम्पनीले प्रतिकित्ता १०० रुपैयाँ अंकित दरका ६० लाख कित्ता आईपीओ निष्काशनका लागि नेपाल धितोपत्र बोर्डमा आवेदन दिएको छ ।
कम्पनीले आईपीओ निष्काशनका लागि गत जेठ ३१ गते बोर्डमा निवेदन दिएको हो । कम्पनीको आईपीओ निष्काशन तथा बिक्री प्रबन्धकको काम सिभिल क्यापिटल रहेको छ ।
आइपीओ पश्चात् कम्पनीको चुक्ता पूँजी २ अर्ब रुपैयाँ कायम हुनेछ ।
वि.सं.२०७८ मंसिर २१ मंगलवार १०:४० मा प्रकाशित
