काठमाडौं । एकर्ड फर्मास्युटिकल्सले ४ करोड ८० लाख रुपैयाँ बराबरको ४ लाख ८० हजार कित्ता प्राथमिक सेयर (आइपीओ) जारी गर्ने भएको छ। आइपीओ जारी गर्नका लागि कम्पनीले ग्लोवल आइएमई क्यापिटललाई निष्कासन तथा विक्रि प्रबन्धकमा नियुक्ती गरेको छ ।
एकर्ड फर्मास्युटिकल्सको तर्फबाट अध्यक्ष विशाल पण्डित र क्यापिटलको तर्फबाट प्रमुख कार्यकारी अधिकृत पारसमणि ढकालले सम्झौतापत्रमा हस्ताक्षर गरेको ग्लोवल आइएमई क्यापिटलले जनाएको छ ।
कम्पनीले प्रति कित्ता एक सय रुपैयाँ अंकित मुल्य एक सय रुपैयाँका दरले कम्पनीले सर्वसाधरणलाई सेयर जारी गर्ने जनाएको छ। ललितपुरको लुभुमा औषधी कारखाना राखेको कम्पनीको जारी पुँजी ४८ करोड छ भने अधिकृत पुँजी ६५ करोड रुपैयाँ रहेको छ ।
वि.सं.२०७८ मंसिर २२ बुधवार १७:२१ मा प्रकाशित
