काठमाडौं । सिभिल बैंक भोलिदेखि (मंसिर २४ गते) ऋणपत्र निष्काशन गर्ने भएको छ । बैंकले ३ अर्ब रुपैयाँ बराबरको ३० लाख कित्ता ऋणपत्र निष्काशन गर्ने भएको हो ।
बैंकले आगामी १० वर्षसम्मका लागि वार्षिक १०.२५ प्रतिशत ब्याजदरमा सिभिल बैंक डिबेञ्चर – २०८८ नामक ऋणपत्र निष्कासन गर्न लागेको हो ।
बैंकले कुल ३० लाख कित्तामध्ये १२ लाख कित्ता सर्वसाधारणको लागि र बाँकी रहेको १८ लाख कित्ता ऋणपत्र व्यक्तिगत तवरबाट बिक्री गर्न लागेको हो ।
सर्वसाधारणलाई निष्कासन गरेको १२ लाख कित्ता ऋणपत्रमध्ये ६० हजार कित्ता सामुहिक लगानी कोषको लागि र बाँकी रहेको ११ लाख ४० हजार कित्ता ऋणपत्रमा सर्वसाधारणले आवेदन गर्न पाउनेछन् ।
उक्त ऋणपत्रमा मंसिर २८ गतेसम्म(छिटोमा) र तोकिएको अवधिमा बिक्री नभएमा पुस ९ गतेसम्म(ढिलोमा) आवेदन दिन सक्नेछन् ।
बिक्री प्रबन्धकमा लक्ष्मी क्यापिटल मार्केट लिमिटेड रहेको छ ।
वि.सं.२०७८ मंसिर २३ बिहीवार १७:३५ मा प्रकाशित