काठमाडौं । नाडा अटो मोबाइल्स एसोसिएशन अफ नेपाल (नाडा)को अध्यक्षमा ध्रुव थापा विजयी हुनुभएको छ ।
थापाले १४१३ मत प्राप्त गरि विजयी हुनुभएको हो । थापाले अध्यक्षका अर्का प्रत्यासी करण चौधरीलाई ६६ मतले पराजित गर्नुभएको छ । प्रत्यासी चौधरीले १३४७ मत प्राप्त गरेका छन् ।
निर्वाचनमा सदस्यतर्फ चौधरीको समूहका १२ जना र थापा समूहका ५ जना विजयी भएका छन् ।
चौधरीको समूहबाट मिलनबाबु मल्ल, अनुपकुमार मल्ल, राजनबाबु श्रेष्ठ, सुरेन्द्र कुमार उप्रेती, सुनिल रिजालले मत प्राप्त गरी विजयी भएका छन् ।
त्यस्तै, अभिक ज्योती , प्रकाश कपुरी, बिक्रम सिंहानिया, गोपाल भट्टराई, निलमणि पाठक , वरदान बस्नेत र पंकज अग्रवाल विजयी भएका छन् ।
यता, थापाको समूहबाट निराकर श्रेष्ठ, यमुना श्रेष्ठ, कपिल शिवाकोटी, प्रदीपमान प्रधान र आकाश गोल्छा विजयी भएका छन् ।
वि.सं.२०७८ मंसिर २४ शुक्रवार ०८:५७ मा प्रकाशित