काठमाडौं । लुम्बिनी विकास बैंकले नयाँ शाखा कार्यालय स्थापनाका लागि घर भाडामा लिने भएको छ ।
बैंकले नुवाकोटको विदुर नगरपालिका–४मा नयाँ कार्यालय स्थापना गर्नका लागि घर घाडामा खोजेको छ ।
उक्त स्थानमा घर वा फ्ल्याट भाडामा दिन चाहने इच्छुक घरधनीहरुले आफ्नो घर स्वामित्व सम्वन्धी सम्पूर्ण विवरण, भाडा दिने घरको क्षेत्रफल खुल्ने आवश्यक सम्पूर्ण कागजातहरु समेत संलग्न गरि मासिक के कति भाडादरमा(कर सहित) कति वर्षका लागि दिन सकिने विवरण खुलाई प्रस्ताव पेश गर्न सक्नेछन् ।
प्रस्ताव १५ दिनभित्र बैंकको केन्द्रीय कार्यालय डिल्लीबजार, सामान्य सेवा विभागमा आईपुग्ने पेश गर्नुपर्नेछ ।
सुरक्षा सुविधा तथा व्यावसायिक दृष्टिकोणबाट बैंक संचालन गर्न उपयुक्त स्थान वा भवन भएको हुनुपर्नेछ ।
घर वा फ्ल्याटको करिब १ हजारदेखि १५ सय वर्गफिट भएको, मोटरबाटो, पानी, विजुली, शौचालय तथा पार्किङ्गको व्यवस्था, जेनेरेटर वाव सोलार प्यानल राख्न सकिने स्थान भएको , कुनै कानूनी बाधा अड्चन नभएको हुनपर्ने छ ।
यस्तै उक्त स्थानमा निर्वाध आवागमन गर्न सकिने तथा सडक मापदण्ड भित्र नपर्ने सुनिश्चित भएको , भवनको स्वीकृत नक्सा, निर्माण स्वीकृति तथा निर्माण सम्पन्न भएको प्रमाण पत्र आवश्यक हुने सूचनामा उल्लखे छ ।
वि.सं.२०७८ मंसिर २७ सोमवार ११:४९ मा प्रकाशित
