काठमाडौ । प्रचण्डको बोलीले सेयर बजार प्यानिक भएको छ । सोमबार २३५१ अंकबाट कारोबार सुरु भएको सेयर बजारमा तीन मिनटमा नै बजार ५९ अंकले घटेर २२९२ अंकमा पुगेको थियो । त्यस्तै कारोबार सुरु भएको ४५ मिनेटमा बजार ४४.१८ अंकले घटेको छ ।
आइतबार माओवादी केन्द्रका अध्यक्ष पुष्पकमल दाहाल प्रचण्डले सेयर बजार साम्राज्यवादको विस्तारित रुप भएको र यसलाई परास्त गर्न माओवादी कै जिम्मामा आएको दावी गरेका थिए ।
अध्यक्ष प्रचण्डको सो बोलीका कारण लगानीकर्ताहरु हतोत्साहिकत हुदै आफूसँग भएको सेयर विक्रि गर्न लागेपछि बजार ओरालो लागेको हो । हाल अर्थमन्त्री जनार्दन शर्मा रहेको र उनकै पार्टीको नेतृत्वले सो कुरा बोल्दा माओवादीले बजारलाई नकारात्मक रुपमा लिएको र सोही अनुसारको नीति बनाउने त्रासका कारण लगानीकर्ताहरु बजारबाट सेयर विक्रि गरी बाहिरन लागेका हुन् ।
वि.सं.२०७८ मंसिर २७ सोमवार ११:५१ मा प्रकाशित
