काठमाडौं । चिलिमे जलविद्युत कम्पनीले साधारणसभाका लागि मिति तय गरेको छ ।
मंसिर २४ गते सम्पन्न कम्पनीको सञ्चालक समितिको बैठकले आउँदो पुस २३ गते २५ औं वार्षिक साधारणसभा गर्ने भएको हो ।
सभामा लाभांश पारित गर्ने मुख्य एजेण्डा रहेको छ । उक्त दिन हुने सभाले सभाले १५ प्रतिशत लाभांश वितरण गर्ने भएको छ ।
कम्पनीले गत आर्थिक वर्ष २०७७/७८ को मुनाफाबाट सेयरधनीहरुलाई हाल कायम चुक्तापूँजीको ७.५ प्रतिशत बोनस सेयर र कर प्रयोजनका लागि ७.५ प्रतिशत नगद लाभांश वितरण गर्ने भएको हो ।
सभाले आव २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने, कम्पनीको प्रवन्धपत्र र नियमावलीमा संशोधन गर्ने प्रस्ताव पनि पारित गर्नेछ ।
सभा तथा लाभांश वितरण प्रयोजनको लागि कम्पनीले पुस १५ गतेदेखि २३ गतेसम्म बुकक्लोज गर्ने भएको छ ।
वि.सं.२०७८ मंसिर २७ सोमवार १२:०० मा प्रकाशित