काठमाडौं । आज विभिन्न चार कम्पनीहरुले साधारणसभा गर्दैछन् । उक्त दिन दुई बैंकसहित ४ कम्पनीको साधारणसभा हुँदैछ ।
मेगा बैंक, स्ट्याण्डर्ड चार्टर्ड बैंक अफ नेपाल, सोल्टी होटल र ग्लोबल आइएमई लघुवित्तले सभा गर्न लागेका हुन् ।
आज हुने मेगा बैंकले वार्षिक साधारणसभाले लाभांश पारित गर्ने मुख्य एजेण्डा रहेको छ । उक्त सभाले गत आर्थिक वर्ष २०७७/७८ को मुनाफबाट सेयरधनीहरुका लागि प्रस्ताव गरेको लाभांश पारित गर्नेछ ।
बैंकले सेयरधनीहरुलाई हाल कायम चुक्ता पुँजीको १० प्रतिशत बोनस र २.०७ प्रीतशत नगद लाभांश वितरण गर्ने भएको हो ।
सभामा अन्य उपयुक्त बैंक तथा वित्तीय संस्थासंग मर्जर वा प्राप्ति लगायतका अन्य सम्पूर्ण कार्य गर्नका लागि संचालक समितिलाई अख्तियारी दिनेछ । सभा तथा लाभांश प्रयोजनका लागि बैंकले मंसिर १४ गते बुक क्लोज गरेको छ ।
स्ट्याण्डर्ड चार्टर्ड बैक अफ नेपालले केन्द्रीय कार्यालय नयाँ बानेश्वरमा सभा गर्ने भएको छ ।
बैंकको सभाले पनि लाभांश पारित गर्ने मुख्य एजेण्डा रहेको छ । बैंकले गत आवको मुनाफाबाट सेयरधनीहरुलाई १३.०६ प्रतिशत लाभांश वितरण गर्ने प्रस्तवा गरेको छ ।
भोलि हुने सभाले १० प्रतिशत बोनस सेयर र कर सहित ३.०६ प्रतिशत नगद लाभांश वितरण गर्ने प्रस्ताव पारित गर्नेछ । सभा तथा लाभांश वितरण प्रयोजनको लागि मंसिर १० गते बुक क्लोज गरिसकेको छ ।
त्यस्तै, आज बिहान ११ बजे हुने सोल्टी होटलको साधारणसभा हुँदैछ । सभा कम्पनीको रजिष्टर्ड कार्यालय ताहचल काठमाडौंमा हुनेछ ।
सभाले आव २०७७/७८ को वार्षिक प्रतिवेदन छलफल गरी पारित गर्नेछ । कम्पनीले यस वर्ष कुनै लाभांश प्रस्ताव गरेको छैन ।
त्यसैगरी ग्लोबल आइएमई लघुवित्तले पनि आज वार्षिक साधारणसभा गर्दैछ ।
सभाले २८ प्रतिशत बोनस सेयर वितरण गर्ने प्रस्ताव पारित गर्नेछ । यसका साथै आव २०७७/७८ को वार्षिक प्रतिवेदन छलफल गरी पारित गर्नेछ ।
सोही अवसरमा आव २०७८/७९ को लागि लेखापरिक्षकको नियुक्ती गर्ने र निजको पारिश्रमिक निर्धारण गर्ने प्रस्ताव पारित गर्नेछ ।
वि.सं.२०७८ मंसिर २८ मंगलवार १०:४८ मा प्रकाशित
