काठमाडौं । नेपाल पुनर्बीमा कम्पनीले वार्षिक साधारण सभाका लागि मिति तय गरेको छ । कम्पनीले छैठौं वार्षिक साधारण सभा पुस २२ गते गर्ने भएको हो ।
कम्पनीको मंसिर २७ गते बसेको सञ्चालक समितिको बैठकले साधारण सभा गर्ने निर्णय गरेको हो । सभामा लाभांश पारित गर्ने मुख्य एजेण्डा रहेको छ ।
सभामामा सञ्चालक समितिले प्रस्ताव गरे बमोजिम सेयरधनीहरुलाई १६.५० प्रतिशत बोनस सेयर र कर प्रयोजनका लागि २.५० प्रतिशत नगद लाभांश वितरण गर्ने प्रस्ताव पारित गर्नेछ ।
सभाले सञ्चालक समितिको निर्णय बमोजिम संस्थागत सामाजिक उत्तरदायित्व अन्तर्गतका खर्च गरिएको रकमलाई अनुमोदन गर्ने, कम्पनीको प्रवन्धपत्र र नियमावलीमा संशोधन गर्नेछ ।
यस्तै, सञ्चालक समितिमा प्रतिनिधित्व गर्ने सञ्चालकहरुको कार्यकाल थप गरिएको निर्णय अनुमोदन गर्ने लगायतका प्रस्ताव पनि पारित गर्नेछ ।
सभा र लाभांश प्रयोजनका लागि पुस १४ गते (एक दिन) बुक क्लोज गर्ने भएको छ ।
वि.सं.२०७८ मंसिर २८ मंगलवार १२:०५ मा प्रकाशित