काठमाडौं । आज दुई वाणिज्य बैंकसहित तीन कम्पनीको लाभांश सुरक्षित गर्ने अन्तिम मौका रहेको छ ।
आज प्रभु बैंक, सनराइज बैंक र मनकामना स्र्माट लघुवित्त वित्तीय संस्थाको लाभांश सुरक्षित गर्ने अन्तिम दिन हो ।
यी तीन वटै कम्पनीहरुले साधारण सभा प्रयोजनको लागि कम्पनीले पुस ४ गते (एक दिन) बुक क्लोज गर्ने भएको छ । योसंगै बिहीवार अर्थात् आजसम्म कायम सेयरधनीहरुले कम्पनीको साधारण सभामा सभा भाग लिन र लाभांश पाउने छन् ।
प्रभु बैंकले सेयरधनीहरुलाई गत आर्थिक वर्ष २०७७/७८ को मुनाफबाट हाल कायम चुक्ता पूँजीको १२.६३ प्रतिशत लाभांश प्रस्ताव गरेको छ ।
बैंकले १२ प्रतिशत बोनस सेयर र कर प्रयोजनार्थ ०.६३ प्रतिशत नगद लाभांश वितरण प्रस्ताव गरेको छ । उक्त प्रस्ताव पारित गर्न बैंकले पुस १८ गते २०औं वार्षिक साधारण सभा बोलाएको छ ।
यस्तै, सनराइज बैंकले गत आर्थिक वर्षको मुनाफाबाट सेयरधनीलाई ७ प्रतिशत लाभांश प्रस्ताव गरेको छ ।
बैंकले सेयरधनीहरुलाई ६.६५ प्रतिशत बोनस सेयर र कर प्रयोजनका लागि ०.३५ प्रतिशत नगद लाभांश वितरण गर्ने प्रस्ताव गरेको छ ।
प्रस्तावित लाभांश सहित अन्य विविध प्रस्ताव पारित गर्नका लागि कम्पनीले १४औं वार्षिक साधारण सभा पुस १५ गते बोलाएको छ ।
त्यसैगरि मनकामना स्मार्ट लघुवित्तले पुस १९ गत चौथो वार्षिक साधारण सभा बोलाएको छ । सभाले गत आर्थिक वर्षको मुनाफबाट शेयरधनीलाई वितरण गर्न प्रस्ताव गरेको १७ प्रतिशत बोनस सेयर पारित गर्नेछ ।
वि.सं.२०७८ पुस १ बिहीवार ११:२२ मा प्रकाशित