काठमाडौं । नेपाल धितोपत्र बोर्डले हकप्रद सेयर निष्काशनका लागि दुई कम्पनीलाई अनुमति दिएको छ ।
बोर्डले छ्याङ्दी हाइड्रोपावर र कर्पोरेट डेभलपमेन्ट बैंकलाई हकप्रद सेयर निष्काशन गर्न अनुमति दिएको हो ।
जसमध्ये छ्याङ्दी हाइड्रोपावरले ८ करोड ९३ लाख ३ हजार ५ सय रुपैयाँ बराबरको हकप्रद सेयर निष्काशन गर्नेका लागि बोर्डमा निवेदन दिएको थियो ।
८ लाख ९३ हजार २५ कित्ता हकप्रद सेयर निष्काशन गर्न कम्पनीले बोर्डबाट पुस १ गते अनुमति पाएको हो ।
कम्पनीले १०ः३ को अनुपात सेयर निष्काशन गर्न गत बैशाख १५ गते बोर्डमा निवेदन दिएको थियो ।
बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
यस्तै, कर्पोरेट डेभलपलमेन्ट बैंकले पनि हकप्रद सेयर निष्काशन गर्न बोर्डबाट अनुमति पाएको छ ।
बैंकले ३० करोड रुपैयाँ बराबरको हकप्रद सेयर निष्काशनका लागि बोर्डबाट पुस १ गते अनुमति पाएको हो । अब बैंकले १ः१.५ को अनुपातमा ३० लाख कित्ता सेयर निष्कान गर्नेछ ।
बैंकले गत वर्षको पुस २६ गते उक्त सेयर निष्काशनका लागि बोर्डमा निवेदन दिएको थियो । बैंकको हकप्रद सेयर निष्काशन तथा बिक्री प्रबन्धकमा सिभिल क्यापिटल लिमिटेड रहेको छ
वि.सं.२०७८ पुस २ शुक्रवार १२:०४ मा प्रकाशित