काठमाडौं । हाइड्रोइलेक्ट्रीसिटी इन्भेष्टमेण्ट एण्ड डेभलपमेण्ट कम्पनी (एचआईडीसीएल) को लाभांश सुरक्षित गर्ने अन्तिम दिन नजिकिएको छ ।
कम्पनीको लाभांश सुरिक्षत गर्ने आउँदो आइतबार अर्थात पुस ४ गते अन्तिम दिन रहेको छ ।
कम्पनीले साधारण सभा र लाभांश वितरण प्रयोजनको लागि पुस ५ गते अर्थात् सोमवार बन्द बुक क्लोज गर्ने भएको छ । योसंगै आइतबारसम्म कायम सेयरधनीले सभामा भाग लिन र लाभांश पाउन सक्नेछन् ।
कम्पनीले गत आर्थिक वर्ष २०७७/७८ को मुनाफाबाट सेयरधनीलाई ८ प्रतिशत बोनस सेयर र ०.४२१ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो ।
कम्पनीले पुस २२ गते साधारण सभा बोलाएको छ ।
वि.सं.२०७८ पुस २ शुक्रवार १२:१९ मा प्रकाशित
