काठमाडौं । साताको दोस्रो कारोबार दिन तीन कम्पनीको सेयर मूल्यमा उछाल आएको छ । उक्त दिन ग्रीन डेभलपमेन्ट बैंकसहित तीन कम्पनीको सेयर मूल्य उच्च दरमा वृद्धि भएको हो ।
उक्त दिन ग्रीन डेभलपमेन्टको सेयर मूल्यमा सकरात्मक सर्किट अर्थात १० प्रतिशतले वृद्धि भएको छ । बैंकको सेयर मूल्य प्रतिकित्ता ३१ रुपैयाँले वृद्धि भई ३४१ रुपैयाँ कायम भएको छ ।
यस्तै, आज जानकी फाइनान्सको सेयर मूल्य ९.८१ प्रतिशत अर्थात प्रतिकित्ता ५१ रुपैयाँले वृद्धि भएको छ । योसंगै कम्पनीको सेयर मूल्य ५७१ रुपैयाँ कायम भएको छ ।
उक्त दिन रसुवागढी हाइड्रोपावर कम्पनीको सेयर मूल्य पनि ९.२१ प्रतिशत अर्थात प्रतिकित्ता २९ रुपैयाँ ६० पैसाले वृद्धि भएको छ । योसंगै कम्पनीको सेयर मूल्य आज ३५१ रुपैयाँ १० पैसा कायम भएको छ ।
यता ग्रीन लाइफ हाइड्रोपावर सेयर मूल्य पनि ८.२६ प्रतिशतले वृद्धि भएको छ । आज कम्पनीको सेयर मूल्य प्रतिकित्ता २९ रुपैयाँले वृद्धि भएको ३८० रुपैयाँ कायम भएको छ ।
उक्त दिन रिलायन्स फाइनान्सको सेयर मूल्य ७.९३ प्रतिशत, माउनटेन इनर्जी नेपालको ७.३८, आँखुखोला जलविद्युतको ७.०७ प्रतिशतले वृद्धि भएको छ ।
आज यी कम्पनहरुसहित एक्सेल डेभलपमेन्ट बैंक, इन्फिनिटील लघुवित्त, सीईडीवी हाइड्रोपावर, सिनर्जी पावपर डेभलपमेन्ट, माउनटेन हाइड्रो नेपाल लगायतका कम्पनीहरुले उच्च दरमा कमाएका छन् ।
वि.सं.२०७८ पुस ६ मंगलवार १५:३२ मा प्रकाशित
