काठमाडौं । साताको तेस्रो कारोबार दिन सेयर बजारमा उछाल आएको छ । उक्त दिन बजार ९२.१६ अंकले वृद्धि भएको छ ।
उक्त दिन बजार परिसुचक २५०७ अंकको बिन्दुमा पुगेर बन्द भएको छ । आज ४ अर्ब ४५ करोड ३३ लाख ८१ हजार रुपैयाँ बराबरको ८१ लाख ४ हजार ३१९ कित्ता सेयर खरिदबिक्री भएको छ ।
उक्त दिन विभिन्न चार कम्पनीको सेयर मूल्यमा उछाल आएको छ । आज अरुण भ्याली हाइड्रोपावरसहित चार कम्पनीको सेयर मूल्यमा सकरात्मक सर्किट लागेको हो ।
बुधवार अरुण भ्यालीको सेयर मूल्य १० प्रतिशत अर्थात प्रतिकित्ता ३९ रुपैयाँ ८० पैसाले वृद्धि भएको छ। योसंगै कम्पनीको सेयर मूल्य ४३७ रुपैयाँ ८० पैसा कायम भएको छ ।
उक्त दिन बरुण हाइड्रोपावर कम्पनीको सेयर मूल्य पनि १० प्रतिशत अर्थात प्रतिकित्ता ४१ रुपैयाँले वृद्धि भई ४५१ रुपैयाँ कायम भएको छ ।
यस्तै, आज अपर तामाकोशीको सेयर मूल्यमा पनि सकरात्मक सर्किट लागेको हो । उक्त दिन कम्पनीको सेयर मूल्य १० प्रतिशत अर्थात प्रतिकित्ता ५९ रुपैयाँले वृद्धि भएको हो । योसंगै कम्पनीको सेयर मूल्य आज ६४९ रुपैयाँ कायम भएको छ ।
त्यसैगरि आज शिवम सिमेन्टको सेयर मूल्य पनि १० प्रतिशत अर्थात प्रतिकित्ता ११२ रुपैयाँ २० पैसाले वृद्धि भएको छ । योसंगै कम्पनीको सेयर मूल्य १ हजार २३४ रुपैयाँ २० पैसा कायम भएको छ।
वि.सं.२०७८ पुस ७ बुधवार १५:३० मा प्रकाशित