काठमाडौं । मध्य भोटेकोशी जलविद्युत् कम्पनीको आईपीओ सूचीकृत भएको छ । कम्पनीको आईपीओ बिहीबार नेपाल स्टक एक्सचेञ्ज(नेप्से) मा सूचीकृत भएको हो ।
कम्पनीको ६ करोड कित्ता आईपीओ सूचीकृत भएको हो । कम्पनीको स्टक सिम्बोल एमबीजेसी रहेको छ । उक्त सेयर दोस्रो बजारमा आइतवारदेखि कारोबारमा आउनेछ ।
नेप्सेले कम्पनीको पहिलो कारोबारको लागि ओपन रेञ्ज ९४ रुपैयाँ ३९ पैसादेखि २८३ रुपैयाँ १७ पैसा तोकेको छ ।
पहिलो कारोबारको लागि नेप्सेले कम्पनीको नेटवर्थको तीन गुणासम्म मूल्य रेञ्ज तोक्ने गर्दछ ।
वि.सं.२०७८ पुस ९ शुक्रवार ०८:१४ मा प्रकाशित