काठमाडौँ । पछिल्लो पाँच महिनामा नेपालमा रहेका बिमा कम्पनीहरुले ७३ अर्ब २२ करोड बढी बिमा शूल्क संकलन गरेका छन् । नेपालमा हाल सञ्चालित १९ जीवन बिमा कम्पनी र २० निर्जीबन बिमा कम्पनी गरी ३९ वटा बीमा कम्पनीहरुले समिक्षा अवधिमा ७३ अर्ब २२ करोड २५ लाख २८ हजार रुपैयाँ बिमा शूल्क संकलन गरेका हुन् ।
यो शुल्क संकलन गत आर्थिक वर्षको तुलनामा करिब १९ प्रतिशतले बढी हो । गत आव २०७६।७७ को पाँच महिनामा बीमा कम्पनीहरुले ६१ अर्ब ६० करोड रुपैयाँ मात्रै बीमाशुल्क संकलन गरेका थिए ।
चालु आवको मंसिर मसान्तसम्ममा जीवन बीमा कम्पनीहरुले ५७ अर्ब ७९ करोड ५६ लाख १९ हजार रुपैयाँ र २० निर्जीवन बीमा कम्पनीहरुले १५ अर्ब ४२ करोड ६९ लाख ९ हजार रुपैयाँ कुल बीमा शुल्क आर्जन गरेका छन् । यस्तो रकम अघिल्लो आवको पाँच महिनामा जीवन बीमा कम्पनीहरुले ४९ अर्ब ४९ करोड रुपैयाँ र निर्जीवन बीमा कम्पनीहरुले १२ अर्ब ११ करोड रुपैयाँ संकलन गरेका थिए ।
जीवन बिमातर्फ समिक्षा अवधिसम्ममा सबैभन्दा बढी बिमा शूल्क आर्जन गर्ने कम्पनी नेपाल लाईफ इन्स्योरेन्स कम्पनी रहेको छ । कम्पनीले मंसिरसम्म आइपुग्दा १५ अर्ब ४४ करोड ९९ लाख रुपैयाँ संकलन गरेको हो ।
यस्तो छ अन्य जीवन बिमा कम्पनीहरुको बिमा शूल्क आर्जनको अवस्थाः
त्यसैगरी निर्जीवन बिमा कम्पनीतर्फ सबैभन्दा बढी बिमा शूल्क संकलन गर्ने कम्पनी शिखर इन्स्योरेन्स रहेको छ । कम्पनीले समिक्षा अवधिसम्म १ अर्ब ६७ करोड ७७ लाख ५२ हजार रुपैयाँ संकलन गरेको छ ।
यस्तो छ निर्जीवन कम्पनीहरुको बिमा शूल्क संकलन अवस्थाः
त्यसैगरी बीमा समितिले उपलब्ध गराएको तथ्याङ्क अनुसार मंसिर महिनामा मात्रै जीवन बीमा कम्पनीहरुले ११ अर्ब १६ करोड ६८ लाख ९६ हजार रुपैयाँ र निर्जिवन बीमा कम्पनीहरुले २ अर्ब ८४ करोड ४१ लाख ५ हजार रुपैयाँ कुल बीमा शुल्क आर्जन गरेका हुन् ।
तथ्याङ्क अनुसार २०७८ मंसिर मसान्तसम्ममा कुल २८.०१ प्रतिशत जनसंख्या बीमाको दायरामा आएका छन् । वैदेशिक रोजगार बीमालेख सहितको तथ्याङ्कमा पनि बीमाको पहुँच ५.२६ प्रतिशत वृद्धि भएर ३० प्रतिशतमा कायम भएको छ ।
समिक्षा अवधिसम्ममा जीवन बीमालेख ९० लाख ९ हजार १५३ वटा र ६ लाख १० हजार २९४ वटा वैदेशिक बीमालेख गरी कुल ९६ लाख १९ हजार ४४७ वटा जीवन बीमालेख जारी भएका छन् ।
निर्जीवन बीमालेखतर्फ पनि २०७८ मंसिरसम्ममा १२ लाख ४८ हजार १९२ वटा बीमालेख जारी गरिएको छ ।
यस अवधिमा जीवन बीमा कम्पनीहरुको चुक्ता पूँजी ३३ अर्ब ४४ करोड र निर्जीवन बीमा कम्पनीहरुको १८ अर्ब ४३ करोड १२ लाख रुपैयाँ पुगेको छ ।
अहिलेसम्ममा कम्पनीहरुको कुल शाखा संख्या २ हजार ८३५ रहेकोमा ९१९ वटा बढेर ३ हजार ७५४ पुगेको छ भने कर्मचारी संख्या ५५० ले बढेर १० हजार ९४७ पुगेको छ ।
वि.सं.२०७८ पुस ९ शुक्रवार १४:०८ मा प्रकाशित