काठमाडौं । सोमबार मेगा बैंकको साढे तीन लाख कित्ता बढी सेयर कारोबार भएको छ । आज बैंकको ३ लाख ५४ हजार १५९ कित्ता सेयर कारोबार भएको हो ।
नेपाल स्टक एक्सचेञ्ज(नेप्से)का अनुसार बैंकको १० करोड ३० लाख ८१ हजार रुपैयाँ बराबरको सेयर खरिदबिक्री भएको हो ।
साताको दोस्रो कारोबार दिन बैंकको सेयर मूल्य पनि सामान्य वृद्धि भएको छ । बैंकको सेयर मूल्य आज २.७० प्रतिशतले वृद्धि भएको हो ।
उक्त दिन बैंकको सेयर मूल्य प्रतिकित्ता ७ रुपैयाँ ५० पैसाले वृद्धि भएको छ । योसंगै बैंकको सेयर मूल्य आज २८५ रुपैयाँ कायम भएको नेप्सेले जनाएको छ।
वि.सं.२०७८ पुस १२ सोमवार १६:४५ मा प्रकाशित
