काठमाडौँ । नेपाल लाईफ इन्स्योरेन्सले प्रथम बीमा शुल्क आर्जनमा अधिपत्य कायम गरेको छ । कम्पनीले मंसिरमा मात्रै र मंसिरसम्ममा पनि सबैभन्दा बढी बीमा शुल्क संकलन गरेको हो ।
कम्पनीले मंसिरसम्म आउँदा २ अर्ब ९८ करोड ५३ लाख ४९ हजार रुपैया बीमा शुल्क आर्जन गरेको छ । यो सबै जीवन बीमा कम्पनीहरुले चालु आर्थिक वर्ष देखि मंसिर मसान्तसम्म आर्जन गरेको प्रथम बीमा शूल्कको करिब २० प्रतिशत हो । हाल सञ्चालनमा रहेका १९ जीवन बीमा कम्पनीहरुले समिक्षा अवधिसम्म आउँदा यस्तो रकम १५ अर्ब ३४ करोड ५२ लाख रुपैयाँ आर्जन गरेका छन् ।
नेपाल लाईफले मंसिरमा मात्रै ६८ करोड १९ लाख १३ हजार रुपैयाँ प्रथम बीमा शुल्क संकलन गरेको छ । समिक्षा अवधिमा यो पनि रकम पनि नेपाल लाईफकै अग्रता हो ।
मंसिरमा दोस्रो र तेस्रो स्थानमा क्रमशः नेशनल र यूनियन लाईफ
मंसिर महिनामा प्रथम बीमा शुल्क संकलन गर्नेमा नेपाल लाईफ पछि नेशनल लाईफ रहेको छ । यसले समिक्षा अवधिमा कम्पनीले यस्तो रकम ३४ करोड ६९ लाख ५६ हजार रुपैयाँ आर्जन गरेको हो ।
त्यसैगरी समिक्षा अवधिमा तेस्रो स्थान ओगट्न सफल भएको छ युनियन लाईफ इन्स्योरेन्स । यो कम्पनीले मंसिरमा मात्रै २४ करोड ५७ लाख ९६ हजार रुपैयाँ प्रथम बीमा शूल्क आर्जन गरेको हो ।
यस्तो छ, अन्य सबै जीवन बीमा कम्पनीहरुले मंसिर महिनामा आर्जन गरेको प्रथम बीमा शुल्क संकलन रकम,
मंसिर सम्ममाः दोस्रो र तेस्रो स्थानमा क्रमशः नेशनल लाईफ र सिटिजन
मंसिर सम्ममा आईपुग्दा नेपाल लाईफ पछि क्रमश नेशनल लाईफ र सिटिजनले प्रथम बीमा शूल्क आर्जनमा अधिपत्य जमाएका छन् ।
नेशनल लाईफले मंसिरसम्मा आईपुग्दा यस्तो रकम १ अर्ब ८३ करोड ६२ लाख रुपैयाँ आर्जन गरेको हो भने सिटिजन लाईफले १ अर्ब ५ करोड ३० लाख रुपैयाँ बढी आर्जन गरेको छ ।
मंसिरसम्म सबै कम्पनीहरुको प्रथम बीमा शुल्क आर्जनको अवस्थाः
वि.सं.२०७८ पुस १३ मंगलवार १४:०० मा प्रकाशित