काठमाडौं । मंगलबार सेयर बजारमा सामान्य गिरावट आएको छ । उक्त दिन बजार २.६६ अंकले घटेको हो ।
साताको तेस्रो कारोबार दिन बजार परिसुचक १५१८.९९ अंकको बिन्दुमा पुगेर बन्द भएको छ । उक्त दिन कारोबार रकम पनि गिरावट देखिएको छ ।
सोमबार साढे ५ अर्ब बढीको कारोबार भएकोमा आज भने ३ अर्ब १२ करोड ५५लाख ७५ हजार रुपैयाँ बराबरको सेयर खरिदबिक्री भएको छ ।
उक्त दिन बैंकिङ समूह ८.७४ अंक, होटेल तथा पर्यटन १०.४१ अंक, निर्जीवन बीमा ३५.२२, माइक्रोफाइनान्स २६.२८, जीवन बीमा समूह ३९.२५, म्युचुअल फण्ड०.०७ र लगानी समूह ०.३७ अंकले घटेका छन् । यी बाहेक अन्य समूह वृद्धि भएको छ ।
उक्त दिन हिमालयन डिष्टीलरीको सर्वाधिक सेयर कारोबार भएको छ । आज कम्पनीको २६ करोड ३९ लाख ४३ हजार रुपैयाँ बराबरको सेयर खरिदबिक्री भएको हो ।
कारोबार रकमकै आधारमा दोस्रो स्थानमा रहेको नबिल बैंकको २५ करोड ३७ लाख ३७ हजार रुपैयाँ बराबरको सेयर खरिदबिक्री भएको छ ।
वि.सं.२०७८ पुस १३ मंगलवार १५:१६ मा प्रकाशित
