काठमाडौं । मध्य भोटेकोशी जलविद्युत कम्पनीको सेयर मूल्यमा सकरात्मक सर्किट लागेको छ । मंगलबार कम्पनीको सेयर मूल्य १० प्रतिशतले वृद्धि भएको हो ।
साताको तेस्रो कारोबार दिन कम्पनीको सेयर मूल्य प्रतिकित्ता १२ रुपैयाँ १० पैसाले वृद्धि भई १३३ रुपैयाँ १० पैसा कायम भएको छ ।
कम्पनीको सेयर आज कारोबारमा आएको तेस्रो दिन हो । पहिलो कारोबार दिनदेखि नै कम्पनीको सेयर मूल्य उच्च दरमा वृद्धि हुँदै आएको छ ।
नेपाल स्टक एक्सचेञ्ज(नेप्से)का अनुसार आज कम्पनीको २० हजार ३४४ रुपैयाँ बराबरको सेयर कारोबार भएको छ । उक्त दिन कम्पनीको १६० कित्ता मात्रै सेयर किनबेच भएको हो ।
वि.सं.२०७८ पुस १३ मंगलवार १५:२५ मा प्रकाशित
