काठमाडौं । भोलि अर्थात बुधबार विभिन्न पाँच कम्पनीको लाभांश सुरक्षित गर्ने अन्तिम दिन रहेको छ ।
उक्त दिन मञ्जुश्री फाइनान्स, समिट लघुवित्त, एनआरएन इन्फ्रास्ट्रक्चर एण्ड डेभलपमेण्ट, इन्फिनिटी लघुवित्त वित्तीय संस्था र चिलिमे जलविद्युत कम्पनीको लाभांश सुरक्षित गर्ने अन्तिम मौका रहेको छ ।
यी पाँचैवटा कम्पनीहरुले साधारण सभा प्रयोजनका लागि पुस १५ गते अर्थात बिहीबार बुक क्लोज गर्ने भएका छन् । त्यसकारण बुधवारसम्म कायम सेयरधनीहरुले मात्र सभामा भाग लिन र लाभांश प्राप्त गर्न सक्नेछन् ।
पुस १५ गते अर्थात बिहीबार बुक क्लोज गर्न लागेको मञ्जुश्री फाईनान्स सेयरधनीहरुलाई ४६ प्रतिशत लाभांश दिन प्रस्ताव गरेको छ । भोलि अर्थात पुस १४ गते बुधवारसम्म कायम सेयरधनीले सभामा भाग लिन र लाभांश पाउनेछन् ।
कम्पनीले गत आर्थिक वर्ष २०७७/७८ को मुनाफाबाट सेयरधनीलाई ४० प्रतिशत बोनस सेयर र कर सहित ६ प्रतिशत नगद लाभांश वितरण गर्ने प्रस्ताव गरेको हो । उक्त प्रस्ताव पारित गर्नका लागि कम्पनीले पुस २९ गते साधारण सभा बोलाएको छ ।
समीट लघुवित्तले पनि बिहीबार बुक क्लोज गर्दैछ । कम्पनीले साधारण सभा प्रयोजनको लागि पुस १५ गते देखि २४ गतेसम्म बुक क्लोज गर्न लागेको हो ।
त्यसकारण बुधवारसम्म कायम सेयरधनीहरुले सभामा भाग लिन र लाभांश पाउनेछन् । कम्पनीले गत आवको मुनाफाबाट सेयरधनीलाई २५.२८५ प्रतिशत बोनस सेयर वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस २४ गते साधारण सभा बोलाएको छ ।
यस्तै, एनआरएन इन्फ्रास्ट्रक्चर एण्ड डेभलपमेन्टले पनि साधारण सभा तथा लाभांश वितरण प्रयोजन लागि पुस १५ गते बुक क्लोज गर्ने भएको छ ।
कम्पनीले गत आवको मुनाफाबाट सेयरधनीलाई ५ प्रतिशत बोनस सेयर र कर प्रयोजनका लागि ०.२६ प्रतिशत नगद लाभांश वितरण गर्ने प्रस्ताव गरेको हो । कम्पनीले उक्त प्रस्ताव पारित गर्नका पुस २९ गते सभा डाकेको छ ।
त्यसैगरि, इन्फिनीटी लघुवित्तले पनि पुस १५ गते बुक क्लोज गर्दैछ । योसँगै बुधवारसम्म कायम सेयरधनीले साधारण सभामा भाग लिन र लाभांश पाउनेछन् ।
कम्पनीले गत आवको मुनाफाबाट सेयरधनीलाई २७.७० प्रतिशत बोनस सेयर र कर प्रयोजनका लागि १.४६ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस २७ गते सभा गर्दैछ ।
यता, चिलिमे जलविद्युत् कम्पनीले साधारण सभा प्रयोजनको लागि पुस १५ गते देखि २३ गतेसम्म बुक क्लोज गर्ने भएको छ । त्यसकारण बुधवारसम्म कायम सेयरधनीले सभामा भाग लिन र लाभांश पाउनेछन् ।
कम्पनीले गत आवको मुनाफाबाट ७.५ प्रतिशत बोनस सेयर र ७.५ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस २३ गते साधारण सभा बोलाएको छ ।
वि.सं.२०७८ पुस १३ मंगलवार १६:४७ मा प्रकाशित