काठमाडौं । मध्य भोटेकोशी जलविद्युत कम्पनीको सेयर मूल्यमा उछाल आएको छ । यतिबेला कम्पनीको सेयर मूल्य ९.९९ प्रतिशतले वृद्धि भएको हो ।
यो समाचार तयार गर्ने बेलासम्म कम्पनीको सेयर मूल्य प्रतिकित्ता १३ रुपैयाँ ३० पैसाले वृद्धि भएको हो । योसंगै कम्पनीको सेयर मूल्य १४६ रुपैयाँ ४० पैसा कायम भएको छ ।
यस्तै, यतिबेला नेपाल बंगलादेश बैंकको सेयर मूल्य पनि ६.५० प्रतिशतले वृद्धि भएको छ । यो समाचार तयार गर्ने बेलासम्म बैंकको सेयर मूल्य प्रतिकित्ता २४ रुपैयाँले वृद्धि भई ३९३ रुपैयाँ कायम भएको छ ।
त्यसैगरि राष्ट्रिय बीमा कम्पनीको सेयर मूल्य पनि ५.३१ प्रतिशत अर्थात प्रतिकित्ता ८५७ रुपैयाँले वृद्धि भएको छ । योसंगै कम्पनीको सेयर मूल्य १७ हजार रुपैयाँ कायम भएको छ।
वि.सं.२०७८ पुस १४ बुधवार १३:४५ मा प्रकाशित