काठमाडौं । साताको चौथो कारोबार दिन सेयर बजारमा सुधार देखिएको छ । उक्त दिन बजार ५.५१ अंकले वृद्धि भएको हो ।
आज बजार परिसुचक १५२४.५० अंकको बिन्दुमा पुगेर बन्द भएको छ । बुधवार कारोबार रकम पनि केही वृद्धि भएको छ । मंगलबार ३ अर्र्ब १२ करोड बढीको कारोबार भएकोमा आज भने ३ अर्ब ६२ करोड ३४ लाख ८० हजार रुपैयाँ बराबरको सेयर खरिदबिक्री भएको छ ।
उक्त दिन व्यापार समूह १३.३१ अंक, विकास बैंक २९.९ अंक, फाइनान्स ४.३४, जीवन बीमा ७१.९६ र लगानी समूह ०.२५ अंकले घटेको छ । यी बाहेकका अन्य सबै समूह वृद्धि भएको छ ।
उक्त दिन सबैभन्दा बढी हिमालयन डिष्टीलरीको ५२ करोड ५५ लाख ८० हजार रुपैयाँ बराबरको सेयर कारोबार भएको छ ।
कारोबार रकमकै आधारमा दोस्रो स्थानमा रहेको नबिल बैंकको ४७ करोड ७१ लाख ८२ हजार रुपैयाँ बराबरको सेयर खरिदबिक्री भएको छ ।
वि.सं.२०७८ पुस १४ बुधवार १५:१२ मा प्रकाशित