काठमाडौं । साताको चौथो कारोबार दिन दुई कम्पनीको सेयर मूल्यमा उछाल आएको छ ।
उक्त दिन मध्य भोटेकोशी जलविद्युत कम्पनी र नेपाल बंगलादेश बैंकको सेयर मूल्य उच्च दरमा वृद्धि भएको हो ।
बुधवार मध्य भोटेकोशीको सेयर मूल्य ९.९९ प्रतिशत अर्थात प्रतिकित्ता १३ रुपैयाँ ३० पैसाले वृद्धि भएको हो । योसंगै कम्पनीको सेयर मूल्य १४६ रुपैयाँ ४० पैसा कायम भएको छ ।
कम्पनीको सेयर गत आइतबारदेखि कारोबारमा आएको हो । कारोबारमा आएको पहिलो दिनदेखि नै कम्पनीको सेयर मूल्य उच्च दरमा वृद्धि हुँदै आएको छ ।
यस्तै, आज नेपाल बंगलदेश बैंकको सेयर मूल्य ९.०८ प्रतिशतले वृद्धि भएको छ । आज बैंकको सेयर मूल्य प्रतिकित्ता ३३ रुपैयाँ ५० पैसाले वृद्धि भएको हो । योसंगै बैंकको सेयर मूल्य ४०२ रुपैयाँ ५० पैसा कायम भएको छ ।
यस्तै, उक्त दिन प्रिमियर इन्स्योरेन्स कम्पनीको सेयर मूल्य ६.५९ प्रतिशत, राष्ट्रिय बीमा कम्पनीको ५.९३ प्रतिशत, आरएमडीसी लघुवित्त वित्तीय संस्थाको ५.५४, गोर्खाज फाइनान्सको ४.१७ प्रतिशतले वृद्धि भएको छ ।
वि.सं.२०७८ पुस १४ बुधवार १५:२६ मा प्रकाशित