काठमाडौं । साताको चौथो कारोबार दिन सेयर बजारमा सुधार देखिएको छ । उक्त दिन बजार ५.५१ अंकले वृद्धि भएको हो ।
आज बजार परिसुचक १५२४.५० अंकको बिन्दुमा पुगेर बन्द भएको छ । बुधवार कारोबार रकम पनि केही वृद्धि भएको छ ।
मंगलबार ३ अर्र्ब १२ करोड बढीको कारोबार भएकोमा आज भने ३ अर्ब ६२ करोड ३४ लाख ८० हजार रुपैयाँ बराबरको सेयर खरिदबिक्री भएको छ । नेपाल स्टक एक्सचेञ्ज(नेप्से)का अनुसार आज ५६ लाख ३८ हजार २७९ कित्ता सेयर खरिदबिक्री भएको हो ।
बुधवार हिमालयन डिष्टीलरीको सर्वाधिक कारोबार भएको छ । उक्त दिन कम्पनीको ५२ करोड ५५ लाख ८० हजार रुपैयाँ बराबरको सेयर कारोबार भएको हो ।
आज कम्पनीको ७६ हजार १७९ कित्ता सेयर किनबेच भएको हो । कम्पनीको सेयर मूल्य भने आज प्रतिकित्ता ६ हजार ८७० रुपैयाँ कायम भएको छ ।
कारोबार रकमकै आधारमा दोस्रो स्थानमा रहेको नबिल बैंकको आज ४७ करोड ७१ लाख ८२ हजार रुपैयाँ बराबरको सेयर खरिदबिक्री भएको नेप्सेले जनाएको छ ।
आज बैंकको ३ लाख २६ हजार १३९ कित्ता सेयर किनबेच भएको हो । बैंकको सेयर मूल्य भने आज १ हजार ४५० रुपैयाँ कायम भएको छ ।
यस्तै, उक्त दिन मञ्जुश्री फाइनान्सको २२ करोड ३१ लाख ३७ हजार रुपैयाँ बराबरको सेयर खरिदबिक्री भएको छ । आज कम्पनीको २ लाख ३६ हजार ४३९ कित्ता सेयर कारोबार भएको हो । कम्पनीको सेयर मूल्य आज ९३९ रुपैयाँ कायम भएको छ ।
त्यसैगरि उक्त दिन नेपाल बंगलदेश बैंकको २० करोड ६३ लाख ९२ हजार रुपैयाँ बराबरको सेयर कारोबार भएको छ । आज बैंकको ५ लाख २५ हजार ९४४ कित्ता सेयर किनबेच भएको हो । बैंकको सेयर मूल्य ४०२ रुपैयाँ ५० पैसा कायम भएको छ ।
वि.सं.२०७८ पुस १४ बुधवार १५:४१ मा प्रकाशित
