काठमाडौं । एनएमबि लघुवित्त वित्तीय संस्थाले नवौं वार्षिक साधारण सभाका लागि मिति तय गरेको छ ।
कम्पनीको मंसिर २३ गते बसेको संचालक समितिको बैठकले आउँदो पुस २६ गते सभा गर्ने निर्णय गरेको हो ।
सभामा लाभांश वितरण गर्ने मुख्य एजेण्डा रहेको छ । कम्पनीले गत आर्थिक वर्षको मुनाफाबाट सेयरधनीहरुलाई २१.५० प्रतिशत बोनस सेयर र कर प्रयोजनका लागि १.१३ प्रतिशत नगद लाभांश दिने प्रस्ताव गरेको छ ।
सभाले आर्थिक वर्ष २०७७/७८ को वार्षिक प्रतिवेदन उपर छलफल गरि पारित गर्ने, आव २०७८/७९ को लेखापरीक्षण गर्नका लागि लेखापरीक्षक नियुक्ति तथा निजको पारिश्रमिक तोक्नेछ ।
सभामा वित्तीय संस्थाले नेपाल राष्ट्र बैंकबाट इजाजतपत्र प्राप्त घ वर्गका अन्य लघुवित्त वित्तीय संस्थासंग गाभ्ने/गाभिने वा प्राप्ति सम्वन्धी प्रक्रिया अगाडि बढाउन उपयुक्त देखिएमा सो प्रयोजनका लागि समिति गठन गर्ने, मूल्याङ्कनकर्ताको नियुक्ति तथा निजको पारिश्रमिक तोक्ने, गाभ्ने/गाभ्ने वा प्राप्ति सम्वन्धी सम्झौता पत्रमा हस्ताक्षर गर्ने लगायतका सम्पूर्ण कार्य गर्ने अख्तियारी संचालक समिति वा समितिले तोकेको पदाधिकारीलाई प्रदान गर्नेछ ।
वि.सं.२०७८ पुस १८ आइतवार ११:३० मा प्रकाशित