काठमाडौं । राष्ट्रिय वाणिज्य बैंकले कर्मचारीहरुको बढुवा गरेको छ । आइतबार बसेको बैंक सञ्चालक समितिको बैठकले तह १२ र ११ मा कर्मचारी बढुवा गरेको हो ।
सोमबार एक सूचना निकाल्दै बैंकले तह १२ को नायव प्रमुख कार्यकारी अधिकृत र तह ११ को उपकार्यकारी अधिकृत पदमा बढुवा गरेको जनाएको छ ।
बैंकले उपकार्यकारी अधिकृत देवेन्द्ररमण खनाललाई नायव प्रमुख कार्यकारी अधिकृत पदमा बढुवा गरेको हो ।
बैंकले उपकार्यकारी अधिकृतमा भने तीन जना कर्मचारीको बढुवा गरेको छ । उप कार्यकारी पदमा बढुवा हुने बिमल डंगोल, पवन रेग्मी र विनयरमण पौडेल रहनुभएको छ ।
वि.सं.२०७८ पुस १९ सोमवार ११:१८ मा प्रकाशित
