काठमाडौं । कुमारी बैंकले संस्थापक सेयर बिक्री गर्ने भएको छ । बैंकले संस्थापक सेयरधनी रिता श्रेष्ठको नाममा रहेको ७ हजार १०३ कित्ता संस्थापक सेयर बिक्री गर्न लागेको हो ।
उक्त सेयर खरिद गर्न इच्छुक बैंकका विद्यमान संस्थापकहरु सेयरधनीहरुले आवेदन दिन सक्नेछन् । संस्थापक सेयरधनीहरुले सूचना प्रकाशित भएको आजैका मितिले ३५ दिन भित्र आवेदन दिनुपर्नेछ ।
आवेदन बैंकको सेयर रजिष्ट्रार, कुमारी क्यापिटल वा बैंकको प्रधान कार्यलयमा आईपुग्ने गरि दिनुपर्नेछ । उक्त सेयरको बिक्री मूल्य भने बिक्रेताले तोके बमोजिम हुनेछ ।
तोकिएको समयमा संस्थापक सेयरधनीहरुबाट आवेदन नपरेको खण्डमा संस्थापक भन्दा बाहिर सेयर बिक्रीको प्रक्रिया अगाडि बढ्न सक्ने सूचनामा उल्लेख छ ।
वि.सं.२०७८ पुस १९ सोमवार ११:३८ मा प्रकाशित