काठमाडौं । साल्ट ट्रेडिङ्ग कर्पोरेशनले सेयरधनीहरुको हितग्राही खातामा बोनस सेयर जम्मा गर्न सुरु गरेको छ ।
कम्पनीले ५४औं वार्षिक साधारण सभाबाट पारित गरेको २० प्रतिशत बोनस सेयर सम्बन्धित सेयरधनीहरुको हितग्राही खातामा जम्मा गर्न सुरु गरेको हो ।
उक्त बोनस सेयर धितोपत्र दोस्रो बजारमा सूचीकृत गराएपछि सम्बन्धित सेयरधनीहरुको खातामा जम्मा गर्न थालेको हो ।
एक सूचना निकाल्दै कम्पनीले कात्तिक १ गतेसम्म सेयर अभौतिकीकरण गराएका सदस्यहरुको हकमा बोनस सेयर जम्मा गरिसकेको र त्यसपश्चात अभौतिकीकरण गराएकाको हकमा क्रमशः जम्मा गर्दै जाने जानकारी दिएको छ ।
कम्पनीले हालसम्म पनि सेयर अभौतिकीकरण नगराएका सेयरधनीहरुलाई यथासिघ्र गराई आफ्नो लाभांश प्राप्त गर्न अनुरोध गरेको छ ।
कम्पनीले कात्तिक १ गतेसम्म सेयर धितो बन्धक राखी कर्जा लिएका सदस्यहरुको हकमा सम्बन्धित बैंक तथा वित्तीय संस्थाको नाममानै रोक्का जनाई जम्मा भएकाले कर्जा राफसाफ भइसकेको भए फुकुवा गराउन समेत अनुरोध गरेको छ ।
वि.सं.२०७८ पुस १९ सोमवार ११:५३ मा प्रकाशित
