काठमाडौं । मंगलबार दुई फाइनान्ससहित चार कम्पनीको लाभांश सुरक्षित गर्ने अन्तिम दिन रहेको छ ।
उक्त दिन पोखार फाइनान्स, मल्टीपर्प फाइनान्स, कालिका लघुवित्त वित्तीय संस्था र जन उत्थान सामूदायिक लघुवित्त वित्तीय संस्थाको लाभांश सुरक्षित गर्ने अन्तिम दिन हो ।
यी चारै वटा कम्पनीहरुले साधारया सभा तथा लाभांश वितरण प्रयोजनका लागि बुधावार अर्थात पुस २१ गते बुक क्लोग गर्ने भएका छन् । योसंगै कम्पनीहरुको सभामा भाग लिन र लाभांश प्राप्त गर्नका लागि मंगलबारसम्म सेयरधनी बनिसक्नुपर्नेछ ।
पोखरा फाइनान्सले साधारण सभा प्रयोजनको लागि पुस २१ गतेदेखि ३० गतेसम्म बुक क्लोज गर्ने भएको छ । योसँगै मंगलवारसम्म कायम सेयरधनीले सभामा भाग लिन र लाभांश पाउने छन् ।
कम्पनीले गत आर्थिक वर्ष २०७७/७८ को मुनाफाबाट सेयरधनीलाई ८.०७ प्रतिशत बोनस सेयर र कर प्रयोजनका लागि ०.४२ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्न कम्पनीले पुस ३० गते साधारण सभा बोलाएको छ ।
यस्तै, मल्टीपर्पस फाइनान्सले पनि पुस २१ गते बुक क्लोज गर्न लागेको हो । योसंगै भोलि अर्थात मंगलवासम्म कायम सेयरधनीले सभामा भाग लिन र लाभांश पाउनेछन् ।
कम्पनीले गत आवको मुनाफाबाट सेयरधनीलाई १३ प्रतिशत बोनस सेयर र कर प्रयोजनका लागि ०.६८ प्रतिशत नगद लाभांश वितरणको प्रस्ताव गरेको छ । उक्ता लाभांश कम्पनीको पुस ३० गते हुने साधारण सभाले पारित गर्नेछ ।
त्यसैगरि, कालिका लघुवित्त वित्तीय संस्थाले साधारण सभा प्रयोजनको लागि पुस २१ गते देखि ३० गतेसम्म बुक क्लोज गर्ने भएको छ । योसंगै मंगलवारसम्म कायम सेयरधनीले सभामा भाग लिन र लाभांश पाउनेछन् ।
कम्पनीले गत आवको मुनाफाबाट सेयरधनीलाई १३ प्रतिशत बोनस सेयर वितरण गर्ने प्रस्ताव गरेको हो । उक्त प्रस्ताव पारित गर्नका लागि कम्पनीले पुस ३० गते सभा बोलाएको छ ।
यता, जन उत्थान सामुदायिक लघुवित्त वित्तीय संस्थाले साधारण सभा प्रयोजनको लागि पुस २१ गते बुक क्लोज गर्ने भएको छ । योसँगै पुस २० गते मंगलवारसम्म कायम सेयरधनीले सभामा भाग लिन र लाभांश पाउनेछन् ।
कम्पनीले गत आवको मुनाफाबाट सेयरधनीलाई २५ प्रतिशत बोनस सेयर र कर प्रयोजनका लागि १.३१५७ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस ३० गते साधारण सभा डोकेको छ ।
वि.सं.२०७८ पुस २० मंगलवार ०९:१३ मा प्रकाशित
